اولا -
موبايلات البنات
1- الشكل الخارجى .. تلاقيه بقى ييجى ستلاف لون احمر واخضر واصفر وازرق ..وعليه قلوب وورود ..وفليشر علشان تخيط اللى يعاكسها ....وحروف باسم الواد بتاعها او حتى باسمها .
2- الشكل الداخلى (قصدى الخلفيه) طبعا بقى دباديب والوان فاقعه ... وصور يمكن تكون لتامر لعمرو لحازم اوحتى صوره الواد بتاعها ..
3- ندخل بقى سويه فى الجوهر ..ونشوف كده الاسامى هتلاقى بقى سوسو وفيفى وتوتو ولولو وشوشو ..وميدو ومادو وميرا ..وارقام كتير باسامى بنات بس هى فى الحقيقه بتاعت اولاد وارقام من غير اسامى خالص ..
4- ندخل على الرسائل . هتلاقى بقى رسائل الحب والغرام والرومانسيه ومن ناحيه تانيه تلاقى رغى فى الفاضى وطبيخ ورسائل مصوره قلوب وورود لعيد ميلاد ..........الخ
5- مده الصلاحيه .. طبعا كل 4 شهور او يمكن اقل لازم تغير الموبايل وتجيبه اخر موضه واحدث صيحه ...
6- موبايل البنت طبعا دايما فى ايدها احسن يقع فى ايد ابوها او اخوها او حتى امها وتشوف الفضايح اللى عليه ول عشرميت اسم الاولاد اللى عليه ورسائل الغرااام سواء فى الصادر او الوارد...ولو نايمه يبقى تحت المخده ..
ثانيا -
- موبايلات الشباب بقى .
1- الشكل الخارجى ..هو لون واحد اسود او اى لون غامق يعنى طبعا لا فليشر ولا غيره ولا كلام فاضى من ده ..طبعا بيبقى مكسر ومبهدل ومتنيل بستين نيله..
2- الشكل الداخلى .. الخلفيه زى مقولنا قبل كده ..يمكن تكون نانسى او هيفا او اليسا ده لو واد بتاع بنات ... اندر تيكر او جون سينا او حتى كين .لو واد بتاع عضلات وبيحب العنف ...ممكن كمان يكون صوره (المزه )بتاعته لو كان خاطب او على وشك الخطوبه ..
3- الاسامى بقى وما ادراك ما الاسامى على تليفون شاب ...يعنى اكيد هتلاقى عوكل وزيكا والموس وبرايز (صاحب الهارد تارجتس) ..والننه ..واسامى بنات كتير عينى عينك كده ..شيماء ولمياء او حتى هيفاء تبركا بالست هيفا ..وارقام خاصه للبنات بتوع ( السيكو سيكو ) .. واسامى رايحه واسامى جايه واسامى قاعده واسامى نايمه .. والاسامى هيه هيه والارقام اتغيرت ..
4- ندخل على الرسائل هتلاقى رسائل ضرب وشتيمه وتريقه ونكت من اللى قلبك يحبها ...ولو واد حبيب بقى وعايش الدوور هتلاقى بقى رسائل حب وحنين وروومانسيه
5- مده الصلاحيه .. يا عينى الواد من دول بيغير موبايله كل عشرميت سنه على ما الحاله تبقى رايجه يعنى معاه ...
6- الولد بقى تلاقيه رامى موبايله فى اى اوضه فى اى ركن تحت اى سرير .. طبعا ده مش اهمال لسمح الله ..لا ..بس ده علشان هو واثق ان مفيش حد هيقدر يقرب منه ويشوف المصايب اللى عليه
لو عندكم اى فروق تانيه اتفضلو قولوها ...وقولولى ايه رايكم فى الموضوع ...مستنى ردودكم
الحب ليس كلمات تكتب
بل قلوب توهب
